Në përgjimet e dala, por dhe në informacionet konfidenciale të italianëve, rezulton se nëpërmjet Rezart Taçit i është garantuar që në muajin maj 2021 mund të dërgojnë 18 milionë euro, pasi është biseduar me drejtorin e bankës dhe Erion Braçen ose njerëz pranë tij. Aludohet që Erion Braçe është shumë i afërt me një ish polic nga Mirdita, i cili mund të ketë marrë përsipër këtë detyrë.
Jo më kot Braçes i dogji aq shumë fjala e deputetit Ervin Salianji në parlament, por edhe në emisionin “Opinion” gazetari Artan Hoxha konfirmoi këtë fakt që garantimi i dërgimit të shumës ka ndodhur para kryerjes së transfertës.
Në dosje gjatë përgjimeve shprehet që është marrë fjala nga banka e nivelit të dytë, por dhe nga Drejtori i Pastrimit të Parave.
Sidoqoftë kur shohim mënyrën se si kanë funksionuar në bashkëpunim banka, Drejtoria e Pastrimit të Parave dhe SPAK, në këto rrethana bëhet më e mundshme ideja që të gjitha fjalët e Rezart Taçit të jenë thjeshtë spekulim dhe mashtrim për italianët që ata të bëjnë transfertën. Tashmë një gjë është e sigurt që Rezart Taçi, përveç hallit me drejtësinë do ketë dhe hallin me mafien.
Discussion about this post