Ministrja e Mjedisit, Mirela Kumbaro i është përgjigjur pyetjeve të gazetarëve sot lidhur me djegiet e plehrave që po bëhen në buzë të lumit Shkumbin, pasi incineratori në Elbasan është jashtë funksionit.
Edhe pse ministre e Mjedisit, Kumbaro tha se nuk i ka parë pamjet e djegies së plehrave, ndonëse ngjarjet për mënyrën se si po digjen plehrat dhe hedhja e tyre buzë lumit Shkumbin, është transmetuar nga pothuaj të gjitha mediat në vend, madje kanë zënë pasqyrim edhe në mediat e huaja.
“Nuk i kam parë këto pamje dhe nuk mund të flas pa i parë. Në çdo rast menaxhimi i përditshëm i mbetjeve është pjesë e çdo menaxhimi që bën çdo pjesë e qeverisjes vendore, për rastin konkret do ta ndjekim dhe do të kemi përgjigje më të sakta.”, u shpreh ajo.
Discussion about this post