Nuk kanë të ndaluar aksidentet në vendin tonë. Pasi shumë të tilla janë regjistruar në vend me pasojë edhe vdekje e plagosje personash, një tjetër ka ndodhur në Vlorë.
Mësohet se një “Hunday” duke ecur ka rënë në kanal. Për pasojë së paku dy persona janë plagosur. Aksidenti ka ndodhur në rrugën Vlorë-Levan. Pasditen e sotme, një çift të moshuarish e disa familjarë të tyre, të cilët ishin nisur nga Tirana në drejtim të Vlorës kanë humbur kontrollin e mjetit duke dalë në një kanal jashtë rrugës. Të dy të moshuarit janë plagosur, ndërsa janë nisur drejt spitalit të Vlorës për kurim.
“Sot, rreth orës 16: 17, në autostradë Fier-Vlorë, shtetasi G. A., 48 vjeç, duke drejtuar automjetin tip “Hyndai”, ka humbur kontrollin mbi drejtimin e mjetit dhe mjeti ka dalë nga rruga.
Si pasoje e aksidentit kanë ngelur të dëmtuar 3 pasagjerët shtetasit Q. A, N. A, dhe V. A., të cilët ndodhen në spital, jashtë rrezikut për jetën. Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit”, tha policia.
Discussion about this post