Silvi Bardhi, zëdhënësësja e fushatës së Belind Këlliçit, kandidatit të opozitës për bashkinë e Tiranës, shprehu bindjen se janë të gjitha premisat që kryebashkiaku socialist Erion Veliaj t’i humbë zgjedhjet vendore të 14 Majit.
“Mendoj se premisat që Veliaj të humbë këto zgjedhje, janë të shumta pasi komuniteti i kryeqytetit e ka rritur shumë vetëdijen për pasojat gati të pariparueshme që ka shkaktuar Veliaj në mandatin e vet.
Ai mendon se Tirana mbahet e mpirë me propaganda, me fishekzjarre, me spektakle, parada lulesh dhe kokoshkash, me maratona vrapi gara biçikletash.
‘Lali’ harron se këto janë vetëm disa çaste të mpirjes së trurit që njerëzit i largohen pak orë halleve, por jeta e përditshme është kthyer stres i vazhdueshëm dhe me shumë problematika.
Bashkia është kthyer armikja me e madhe e qytetareve, duke filluar që nga gjobat e makinave, dhuna e Policisë bashkiake, taksat që janë rritur shumë, rrugët që janë kthyer të pakalueshme si nga këmbësorët, makinat dhe biçikletat, mungesa e theksuar e gjelbërimit, e ndriçimit nëpër pallate, mungesa e hapësirave publike.
E keni vënë re nëpër lagje që kanë filluar të duken punonjëset e komunales?! Pra ky kryebashkiak kujtohet për qytetin vetëm sa herë afrohet fushata. Është më tepër se fyerje e inteligjencës dhe e ndërgjegjes qytetare.
Tirana nuk fiton, Tirana nuk punon, nuk jeton, por rënkon, sepse Tirana nuk është Blloku, as Arena, as Pazari i ri, as Liqeni i thatë, por është shumë më tepër dhe shumë me halle. Gjimnazeve dhe shkollave të rikonstruktuara u ka humbur energjia rinore, nuk kanë oborre të bukura, pemë sepse territoret e tyre kafshohen nga ndërtimet që u ndërtohen ngjitur me leje abuzive ndërtimi.”, u shpreh ajo.
Discussion about this post