Ish-kapiteni i Kombëtares shqiptare të futbollit, Lorik Cana është acaruar keq me komentatorin sportiv kosovar, Andin Lokaj, i cili bëri një deklaratë përçarëse mes shqiptarëve në ndeshjen e kombëtareve të Shqipërisë dhe Kosovës U-21.
Në një postim në ‘Insta-story’ Cana ka publikuar foton e Lokaj si kloun, ndërsa tifozeritë më të zjarrta të futbollit tonë e kanë shpallur atë ‘non-grata’.
Rikujtojmë se përfaqësuesja U-21 e Kosovës fitoi ndaj ekipit të trajnerit Alban Bushi në takimin për kualifikueset e Evropianit.
Ndërsa reagimi i Lokajt në ‘Facebook’ që i acaroi të gjithë ishte: “Mendo sikur të mos kishim fituar sonte kundër këtyre, që kur kemi luajtur ne kosovarët top, ata në stadium kanë pasur vetëm ushtarë të Enverit në tribuna. Harrova që edhe peshqit me dylbi i shikonin.” /K.T./Gijotina.com
Discussion about this post