Drejtoresha e shkollës ku ka studiuar i ndjeri Mateo Vasiu, që u vra barbarisht nga fqinji i tij, ka thënë para gazetarëve se është e tronditur nga ngjarja e rëndë, ndërsa tha se Mateo ishte një nxënës i shkëlqyer.
“Është një ngjarje e rëndë, një ngjarje që na ka tronditur thellësisht të gjithëve, sigurisht i shprehim ngushëllim familjes për humbjen e fëmijës së tyre. Djali ishte në klasës e tretë, një nxënës i shkëlqyer”, ka thënë drejtoresha.
Gijotina.com ka mësuar detaje të reja rreth ngjarjes së rëndë, ku burimet bëjnë me dije se fëmija kishte shenja dhune në trup, konkretisht nofull e thyer, buze të çara, goditje të rënda në kokë, duar dhe shpatulla.
Krimi horror që tronditi Fierin dhe të gjithë Shqipërinë, ndodhi ditën e djeshme në fshatin Grecalli të Fierit. Klodian Çalamani, 38-vjeçari kishte rrëmbyer e më pas vrarë e groposur në oborrin e banesës së tij, fqinjin e tij vetëm 8 vjeç, Mateo Vllasiu. Ai u arrestua nga policia, ndërsa aktualisht ndodhet prapa hekurave. Për ngjarjen e rëndë kanë reaguar politikane nga të dy kampet politike në vend, duke e konsideruar krimin si diçka tronditëse.
Discussion about this post