Takimi i 18 marsit, Kurti: Po përgatitem duke lexuar…

Kryeministri i Kosovës, Albin Kurti ka folur për takimin më 18 mars me presidentin serb, Aleksandar Vuçiç në Ohër të Maqedonisë Veriore.

Kurti ka thënë se është përgatitur duke lexuar dokumentet e deritanishme si dhe duke lexuar literaturë për bisedime e negociata.

“Unë jam shumë aktiv tërë kohën sepse Qeveria e Kosovës i ka tre zëvendëskryeministra dhe 15 ministri, por një pjesë të kohës, e krejt çka mundem përgatitem duke i lexuar dokumentet e deritanishme, por gjithashtu duke lexuar literaturë sa i përket bisedimeve dhe negociatave, këtu më ndihmojnë shumë këshilltarët mi si kryeministër, por edhe këshilltarët e zv. kryeministrit Bislimit, i cili përveç se ka rolin për integrimet evropian, është edhe zv. kryeministër. Unë mendoj që fle mirë.” – ka thënë ai pas edicionit të dhjetë të Javës së Gruas.

Ndërkohë, Kurti ka folur edhe për Asociacioni, ku ka përsëritur qëndrimin e tij se kjo çështje është renditur në nenin 10 të propozimit të BE-së.