Ministria e Mbrojtjes e Rusisë do të fillojë një fushatë të re rekrutimi nga 1 prilli, me qëllim të rekrutimit të 400 mijë ushtarëve profesionistë në ushtrinë ruse, sipas një raporti.
Radio Svoboda, duke cituar disa medie rajonale, ka raportuar se Ministria e Mbrojtjes e Rusisë tashmë ka dërguar urdhra në rajone për të njoftuar për numrat e njerëzve me të cilët duhet të nënshkruhen kontrata ushtarake, përcjell gazeta “The Guardian”.
Sipas këtij plani, rajonet Sverdlovsk dhe Chelyabinsk do të kenë nga 10 mijë kontraktorë secili, thuhet në raportim. Në Perm Krai, thuhet se do të rekrutohen 9 mijë persona.
Pjesa kryesore e punës do të kryhet nga zyrat ushtarake të rekrutimit, ndërsa guvernatorët do të jenë përgjegjës për zbatimin e planit, thuhet më tej.
Zyrat ushtarake të rekrutimit në Rusi po mundohen që t’i zëvendësojnë ushtarët e specializuar, si drejtuesit e tankeve dhe hedhësit e artilerisë, sipas faqes ruse të lajmeve, “Vyorstka”.
Discussion about this post