Video/ “Duam të ndezim qirinj, aty ku u vra Mateo”, familjarët tentojnë të hyjnë në shtëpinë e vrasësit

Familjarët e 8-vjeçarit që u vra në Fier hyjnë në oborrin e shtëpisë së autorit të ngjarjes.

Ata kanë dashur të hyjnë për të ndezur qirinj në vendin ku u vra i mituri, por që nuk janë lejuar nga policia.

Policia i ka thënë nënës se “me dhimbjen tuaj jemi dhe ne, po nuk lejohet të hyni brenda”.

Gjithsesi nëna në gjendje të rënduar nga dhimbja e madhe për vogëlushin e saj e çau gardhin rrethues dhe shkoi në vendin ku u gropos djali i saj një ditë më parë, e më pas doli vetë.

Pamjet janë vërtetë të trishta, ashtu siç është e gjithë historia e vogëlushit Mateo, i cili një ditë më parë u qëllua në mënyrë makabre nga Klodian Çalamani, 38-vjeçari i pamëshirshëm, i cili e kishte të përsëritur dhunën me fëmijët.

Ditën e sotme Prokuroria kërkoi arrest me burg për Çalamanin, mirëpo dhimbja që ka lënë në popullin shqiptar është tepër e madhe dhe vështirë të kalojë.