Berisha tregon prapaskenat: Ja pse u arrestua Lefter Alla

Nga Lushnja ku prezantoi kandidatin për zgjedhjet e 14 majit, Eduart Sharka, kryetari i Partisë Demokratike, Sali Berisha ka folur   lidhur me arrestimin e kryebashkiakut të Bulqizës, Lefter Alla.

Berisha tha se Alla nuk pranoi që të mos kandidonte më për kreun e bashkisë në 14 maj.

Ndaj, sipas tij qeveria, i publikoi dosjen për korrupsionin e bërë në një tender prej 2 milionë eurosh.

 “Arrestuan mbrëmë për një tender 2 milionë euro narkomanin, e arrestuan se nuk pranoi të largohej, donte të kandidonte patjetër. Edhe ia mbanin dosjen. Ja ku e keni kryebashkiakun e Fierit, i cili tokën bujqësore e shpall tokë për të vjedhur, për të larë para. Këta vjedhin të gjithë. Tendera sekrete bëhen vetëm për një problem të SHIK apo të Prokurorisë së Përgjithshme. 260 tendera ka bërë ajo që rri në krahun e Edi Ramës, dhjetëra prej tyre i fiton baxhanaku i Edi Ramës që me ligj nuk duhet të marrë pjesë në këto tendera”- tha Berisha.