Ngjarja e fundit në Fier, ka shqetësuar të gjithë opinion publik dhe të gjithë kanë kërkuar dënimin maksimal për autorin. Ndërsa sociologia, Sibora Kaluci, ka kërkuar që të merren masa për të parandaluar raste të tilla të ngjashme. Përmes një interviste televizive ajo tha se, shteti ka dështuar në organizimin e instancave morale e ligjore për identifikimin dhe dënimin e personave të tillë.
Sipas saj, institucionet përgjegjëse me vendim tonë i shohin këto ngjarje shumë sipërfaqësorë dhe nuk merren me trajtimin më të thellë të tyre. Që në të vërtetë duhet të ishte bërë prej kohësh. “Problemi është shumë më i thellë, është një problem i cili po bartet çdo vit, e më shumë nga një brez në tjetrin, dhe ne nuk po bëjmë asgjë, asnjë instancë s’po bën asgjë, as instancat morale as ligjore. Ky rast do të ishte parandaluar padyshim, ishte një individ i cili kishte një diagnozë ose nuk kishte, por mund të bëjmë me një të sëmurë mendor, ai person, s’duhej të dilte, aty ku rijnë të tjetër, një person i cili ishte në një shërbim psikiatrik, qëndron i lirë, edhe pas sinjalit që ka dhënë para disa vitesh.
Kaluci, thotë se në shumicën e rasteve të dhunës, qytetarët kërkojnë të vënë vete drejtësi, për shkak se nuk kamë besim tek institucionet. Kjo tregon, sipas sociologes, se ka një dështim total të instancave ligjore dhe profesionale të dedikuara për këto raste.
“Neve nuk na funksionojnë fare instancat ligjore. Kryeministri Rama, tha se policia e Fieri arriti të kap shpejt autorin, por policia ka kapur dikë që ka pasur për detyrë, pjesa tjetër është një dështim total. Në shumicën e rasteve të tilla, njerëzit duan të vendosi vet drejtësi, dhe kjo është e dhimbshme sepse tregon se ka një dështim total të institucioneve.
Janë të gjitha fiktive, për të plotësuar letra, dokumente, është çdo gjë fiktive, nuk funksion edhe nëse ai qëndron të mjediset e paraburgimit, besoni, drejtësia vendoset nga njerëzit, dhe është e shëmtuar dhe joligjore, nuk ka ndonjë instancë të rregullte, sepse nëse do të kishte, nuk do të përfundonte kështu. Duhet një sistem i mirë organizuar nga të gjithë, që nis nga mjeku psikiatër e deri te instancat ligjore kur merret një vendim i caktuar, i gjithë ky cikël, nuk funksionon aspak”.
Në këtë kuadër, ajo propozon që të ngritët një institucion shtetëror ku njerëzit të raportojnë lirshëm individë të rrezikshëm për shoqërinë, dhe të etiketohen me emra e vepra. “Të ngrihet një institucion ku njerëzit lirshëm të shkojnë dhe të raportojnë rastet, të ketë një vend ku mund të lexohen edhe emrat edhe fytyrat e këtyre personave të rrezikshëm për shoqërinë që kanë precedent penal për këto lloj vepra dhe lihen të lirë. Që të arrijmë te trajtimi, duhet kapur parandalimi dhe kjo është pika ku kemi dështuar”, tha ajo, duke vënë në dukje se raste të tilla në vendin tonë janë shtuar dhe nuk është asnjë masë.
Discussion about this post