Ish-kryeministri i Kosovës, Avdullah Hoti, ka bërë një status në Facebook në lidhje me Trustin e pensioneve.
Sipas z. Hoti, 2.5 miliardë euro të kursimeve të pensioneve janë lënë “në mëshirë të fatit” për shkak se Trusti ka mbetur pa bord nga data 1 mars e këtij viti.
“Pasojat tanimë po i bartim. Çmimi i njësisë së FKPK-së është në rënie nga 3 marsi 2023 e këndej. Kjo po ndodh për shkak të disa sinjaleve për krizë të mundshme në tregjet financiare nga falimentimi i një banke në SHBA.” – shkruan z. Hoti.
Sipas tij, në mungesë të bordit të TRUST-it, nuk ka se kush të marrë vendime për tërheqje të investimeve të TRUST-it në tregjet ku ka rënie në këto momente.
“Përveç kësaj, në mungesë të Bordit, kursimet e mbledhura nga TRUST-i gjatë këtyre muajve nuk do të mund të investohen në tregje financiare,” – argumenton deputeti që me profesion është ekonomist.
https://www.facebook.com/photo.php?fbid=763876458433204&set=a.359274718893382&type=3
Discussion about this post