Policia e Tiranës ka arrestuar një 25-vjeçar dhe ka shpallur në kërkim një 30-vjeçar.
Ata akuzohen se në muajt shkurt dhe mars kanë kryer një sërë vjedhjesh.
“Finalizohet nga Komisariati i Policisë Nr. 1, operacioni policor i koduar “Similar”. Zbardhen 4 raste të vjedhjes së monopatinave dhe biçikletave. Vihet në pranga 1 shtetas, shpallet në kërkim 1 tjetër.
▫️Në pranga dhe 4 shtetas të tjerë, për vepra të ndryshme penale.
Specialistët për Hetimin e Krimeve të Komisariatit të Policisë Nr. 1 finalizuan operacionin policor të koduar “Similar” në kuadër të të cilit u arrestua shtetasi F. Gj., 25 vjeç, banues në Tiranë, si dhe u shpall në kërkim shtetasi M. Xh., 30 vjeç, banues në Kurbin. Nga hetimet dyshohet se këta shtetas, në bashkëpunim me njëri-tjetrin, gjatë muajve shkurt dhe mars, në zona të ndryshme të Tiranës, kanë vjedhur 1 biçikletë dhe 3 monopatina, në pronësi të shtetasve të ndryshëm”, tha policia.
Discussion about this post