Apeli i Posaçëm shqyrtoi këtë të hënë ankimin e familjarëve të Ervis Martinajt, mbi sekuestrimin e 34 pasurive të luajtshme dhe të paluajtshme, ndër to, apartamente, toka, aksione kompanish e automjete.
Prokuroria e Posaçme, në bazë të ligjit Antimafia, i ka sekuestruar pasuritë në fjalë, me argumentin se janë krijuar nga aktivitetet kriminale.
Pas seancës së sotme, Apeli vendosi të lërë në fuqi vendimin për sekuestrimin e këtyre pasurive, ndërsa nuk legjitimoi avokatët për Ervis Martinajn, sepse ishte firmosur nga familjarët dhe jo nga vetë 40-vjeçari.
I shumëkërkuari Ervis Martinaj është shpallur i zhdukur nga familjarët verën e vitit që lamë pas, duke pretenduar se nuk kishin më asnjë kontakt me të.
Ndërkohë, policia dhe prokuroria po hetojnë rreth zhdukjes së tij, ndërsa ende nuk ka gjurmë të Martinajt.
Discussion about this post