Administrata ruse në Sevastopol tha të mërkurën se kishte pezulluar nisjet e trageteve rreth qytetit port, menjëherë pasi guvernatori i qytetit deklaroi se një sulm me dron nga ukrainasit ishte neutralizuar nga mbrojtja ajrore.
Duke shkruar në Telegram, Guvernatori i Sevastopolit Mikhail Razvozhaev tha se tre “objekte” ishin shkatërruar dhe se nuk kishte viktima apo dëme në flotën ruse të Detit të Zi, e cila është e vendosur në Sevastopol.
Reuters nuk mundi të verifikonte në mënyrë të pavarur pretendimet e Razvozhaev menjëherë.
Të martën, një shpërthim në Dzhankoi, në veri të Krimesë, u cilësua si një sulm me dron i Kievit nga zyrtarët lokalë.
Sevastopol, së bashku me pjesën tjetër të gadishullit të Krimesë, u aneksua nga Rusia në vitin 2014, por njihet ndërkombëtarisht si pjesë e Ukrainës.
Nuk pati asnjë reagim të menjëhershëm nga Ukraina.
Discussion about this post