Liverpool në garë me Real Madridin për Veigan

Liverpool i është bashkuar garës për yllin e Celta Vigo, Gabri Veiga.

Kjo është sipas Cadena Ser, e cila thotë se Reds janë një nga klubet që ‘duan’ të nënshkruajnë me 20-vjeçarin në verë.

Interesim për mesfushorin po tregon edhe Real Madridi, por shoqëruesit e tij rekomandojnë që ai të shkojë në Premier League.

Lojtari i Spanjës U21 ka një marrëveshje që zgjat deri në vitin 2024, e cila përfshin një klauzolë lirimi prej 40 milionë euro. Skuadra e La Ligës ka objektiv rinovimin e marrëveshjes dhe të rritjen e klauzolës së tij në mënyrë që të fitojë më shumë para kur ta shesë.

Burimet kanë informuar Cadena Ser se Veiga do të të largohet nga Celta Vigo pas këtij sezoni për një tarifë më të ulët se klauzola.