West End në Londër për herë të parë është ndriçuar me 30 mijë poça, me rastin e shënimit të muajit të shenjtë të Ramaznit.
Rruga Conventry që lidh sheshin Leicester me Piccadilly u ndriqua me mbishkrimin “Urime Ramazani”.
Dritat i ka ndezur kryetari i Londrës, Sadiq Khan, i cili është një nga 1.3 milion myslimanët në Londër që festojnë Ramazanin.
Për dekorimin e qytetit ishte angazhuar Ayshea Desai, e cila ishte inspiruar nga dekorimi që bëhet me rastin e festave të fundvitit.
“Kisha ambicie të bëjë diçka të ngjashme me dritat e Krishtlindjes. Mu kujtua sesi me motrën shkonim për të parë dritat e Krishtlindjes derisa isha e vogël, ndërsa kam pasur rastin të jetoj në Lindjen e Mesme dhe doja që këtë lumturi dhe magji ta sjell në Londër”, tha Desai që filloi projektin tri vite më parë.
“Duket e pabesueshme, jam shumë e kënaqur me reagimin. Është një muaj i rëndësishëm për myslimanët. Doja të rritja vetëdijen që fqinjët tanë të dinë se është një muaj i rëndësishëm për ne, është muaji më i dashur i vitit dhe jam falënderuese që jemi sot këtu”, shtoi ajo.
Klubi londinez i futbollit, Chelsea gjithashtu do të shtrojë iftar në fushën e blertë të stadiumit Stamfort Bridge, e më vonë gjatë muajit do të shtrohet një edhe në Wembley.
Discussion about this post