Elton Qyno
Enio Zusi, djali i ish-zv/ministrit të Bujqësisë Alban Zusi është arrestuar nga efektivët e Drejtorisë së Policisë Tiranë, për akuzën e “Prodhimit dhe mbajtjes së lëndëve narkotike”.
Ndalimi i tij është kryer në datën 19 shkurt 2023, pasi rreth orës 14:00, pasi punonjësit e policisë duke patrulluar në rrugën e Picallës, kanë konstatuar një automjet ku drejtues i së cilës ishte Enio Zusi.
Gjatë kontrollit të automjetit dhe kontrollit fizik të Enio Zusit, policia mundi ti gjejë dy doza me drogë të llojit “Cannabis Stativa”.
I riu ka pretenduar se lëndën narkotike e mbante me vete pasi ishte përdorues i rregullt i cannabisit.
Por pavarësisht këtyre pretendimeve, Enio Zusi është shoqëruar në ambientet e policisë, duke ju komunikuar arrestimi.
Rezultoi se materiali bimor kishte një sasi me peshë totale prej vetëm 6 gramë.
Zusi, ka dalë para gjykatës së Tiranës ku është njohur me masën e sigurisë “Detyrim për t’u paraqitur” në prokurori dhe sot e kësaj ditë vijon të qëndrojë i lirë.
Ndërkohë në 9 mars 2023, ekspertët e toksikologjisë kanë ekzaminuar një kampion urine të Enio Zusit, ku rezultoi se djali i ish-zv/ministrit të Bujqësisë, ishte përdorues droge.
Discussion about this post