Deputetja e Partisë Demokratike, Ina Zhupa, ka reaguar ashpër lidhur me aksionin ndaj “Prestige Resort”, ku u kërkua konfiskimi i godinës, pa vendim gjykate dhe pa asnjë paralajmërim.
Gjatë fjalës së saj në Kuvend, Zhupa u shpreh se krerët e institucioneve që kanë ndërmarrë këtë aksion duhet të dënohen.
Ajo shtoi se Rama ka gjithmonë dikë që ta bëjë “kokë turku”. Zhupa shprehu bindjen se në zgjedhjet e 14 majit, shqiptarët do e ndëshkojnë me votë kryeministrin.
“Për të vazhduar të sulmoni mediat. Krerët e atyre institucioneve që kanë ndërmarrë aksionin në ditë pushimi dhe pa letra, duhet të dënohen. Kryeministri këtu ka gjithmonë dikë që ta bëjë kokë turku. Disa të tjerë të përgatiten për në qelitë e burgut. Kur bashkëndani privilegjet me Ramën, jeni ekip i suksesshëm. Edhe dalja e vetë lakrave në Pazar bëhet me qëllim nga vetë kryeministri, për të sulmuar vetë ministrat e vetë.
Raporti i DASH i referohet në mënyrë eksplicide institucioneve që mbrojnë territorin, ku thotë se ka shkelje të rënda të ligjit dhe përmendej pikërisht i njëjti hotel dhe i njëjti pronar që sulmuar dje. Nuk e kuptoni që atij i mjafton raporti i DASH që të fitoj gjyqet në gjykatën ndërkombëtare. Shqetësimi im është se çfarë i pret qytetarët e Ksaminlit që po përballen njësoj si pronari i medias. Është metoda që ju të bëni presione politike në prag të fushatës elektorale për të shembur dhe legalizuar në mënyrë selektive.
Këtë e thotë edhe raporti i DASH. Këtë ju nuk pranoni ta diskutoni. Kur duhet të flitet këtu për problemet e qytetarëve, ju heshtni dhe fshiheni si struci. Realiteti është ai që do të vendosë edhe për votën e qytetarëve në 14 maj, pasi ju e meritoni ndëshkimin në 14 maj”, u shpreh Zhupa.
/Panorama
Discussion about this post