SPAK ka sekuestruar një vilë në Palasë. Dyshohet se vila është e ish gruas së Ahmetajt.
Ish-gruaja e Ahmetajt ka deklaruar se vila e sekuestruar tashmë nuk është e saj.
Vila dyshohet se është nën pronësi të Albina Mançkës.
Kujtojmë se ish-ministri i financave Arben Ahmetaj është nën akuzë për shpërdorim detyre, korrupsion dhe pastrim parash.
Edhe pse Mançka ka thënë se vila nuk është pronë e saj, zyrtarët e SPAK kanë sekuestruar disa fatura dhe dokumente. Vila numër 73 në kompleksin ‘Green Coast’ do të qëndrojë në sekuestro preventive, ndërsa më herët ish-gruaja e Arben Ahmetaj, ka deklaruar se nuk është pronë e saj.
Gjatë kontrollit, dera e vilës në Palasë është hapur me forcë nga zjarrfikësja, pasi ishte mbyllur. Policia ka sekuestruar sende personale dhe fatura që gjendeshin brenda vilës. Veprimet e BKH-së janë kryer me mbështetje të policisë së Vlorës.
Hetimi ndaj socialistit ka nisur si pasojë e bashkimit të dy procedimeve penale, një nga të cilët është procedim i ndarë nga hetimi i SPAK për çështjen e inceneratorit të Elbasanit; e këtij të fundit i është shtuar edhe kallëzimi i bërë nga gazetari Adriatik Doçi, i cili ngrinte dyshime për disa shkelje nga ish-zv.kryeministri. Për çështjen e parë, Ahmetaj akuzohet për procedurën e ndjekur nga Ahmetaj për dërgimin për miratim në Këshillin e Ministrave të projektit të ndërtimit të inceneratorit dhe dakordësinë e Ministrisë së Financave për ta ndërtuar përmes negocimit pa shpallje.
Discussion about this post