Kryeministri kroat Andrej Plenkoviç ka deklaruar se nëse presidenti rus Vladimir Putin, ndaj të cilit është vendosur një urdhër arresti nga Gjykata Penale Ndërkombëtare, do të vizitonte Kroacinë, ai do të arrestohej në përputhje me procedurën e parashikuar me ligj.
Kroacia i është bashkuar Statutit të ICC dhe ka miratuar një ligj mbi bashkëpunimin me gjykatën, shkruajnë mediat e huaja.
“Ai ligj parashikon të gjitha procedurat në rast se ka urdhër arrest për një person dhe me sa di unë këtu nuk vlen imuniteti. Prandaj procedura do të ishte pikërisht ashtu siç e parashikon ligji dhe, natyrisht, do të reagonin edhe policia kroate edhe autoritetet përkatëse,” tha Plenkoviç për shtypin në Bruksel kur u pyet se si do të vepronte Kroacia në rast të vizitës së Putinit.
Ai shtoi, megjithatë, se një vizitë e tillë në fund të fundit nuk është realiste.
“Unë nuk mendoj se ai do të shkojë në vendet që janë palë në Statutin e Romës së shpejti,” tha ai në fund të samitit të BE-së në Bruksel.
Gjykata Ndërkombëtare Penale (ICC) ka lëshuar urdhër-arrest për presidentin Vladimir Putin dhe komisioneren e presidentit rus për të drejtat e fëmijëve, Maria Alekseevna Lvova-Belova. Një urdhër-arresti mund të parandalojë largimin e presidentit rus nga Rusia, pasi duhet të përballet me akuzat për dënimin e fëmijëve ukrainas drejt Rusisë.
Discussion about this post