Kryeministri i Kosovës Albin Kurti ka takuar këtë paradite presidentin Bajram Begaj në Presidencë.
Më pas, Kurti ka ecur në këmbë drejt Kryesisë së Kuvendit, ku është pritur nga kryeparlamentarja Lindita Nikolla.
Presidenti Begaj bisedoi me kryeministrin Kurti mbi zhvillimet më të fundit të negociatave mes Kosovës dhe Serbisë.
Begaj, pasi u informua në detaje mbi negociatat e zhvilluara me Serbinë, të udhëhequra nga Bashkimi Evropian dhe të mbështetura nga Shtetet e Bashkuara të Amerikës, përshëndeti lidershipin, maturinë dhe kurajon e treguar nga Kryeministri Kurti dhe ekipi negociator i Republikës së Kosovës, për ta pranuar planin evropian, si dhe për ta nënshkruar e zbatuar atë.
Duke u ndalur te rezultati i takimit të Ohrit, më 18 mars 2023, Begaj vlerësoi se dakordësimi publik dhe angazhimi i palëve për të zbatuar planin evropian të normalizimit të marrëdhënieve midis Kosovës dhe Serbisë dhe aneksin përkatës, si një pjesë integrale të tij është një garanci më shumë për paqen, stabilitetin dhe të ardhmen e vendeve të rajonit në Bashkimin Evropian.
Presidenti Begaj shprehu gjithashtu besimin se zotimi i marrë nga palët në Ohër do të respektohet plotësisht, ndërkohë do të gjenden mekanizmat e duhur për ta kthyer këtë dakordësim publik në një marrëveshje të detyrueshme e të zbatueshme për palët ndërkombëtarisht.
Në orën 15:30, Kurti do të pritet në takim edhe nga kreu i Partisë së Lirisë, Ilir Meta
Ajo që vihet re është se Kurti nuk është pritur nga kryeministri Edi Rama, i cili deri më tani nuk ka bërë asnjë njoftim deri më tani.
Discussion about this post