Shtetasi kinez Liangbin Chen iu drejtua me rekurs Gjykatës së Lartë duke kundërshtuar vendimin e gjykatës së Apelit që ka lejuar ekstradimin e tij drejt Kinës. Ai kundërshton ekstradimin e tij dhe ka kërkuar azil politik në Shqipëri, pasi pretendon se atje mund të përndiqet dhe persekutohet nga regjimi.
“Lejimin e ekstradimit te shtetasit Liangbin Chen, i biri i Tianman Chen dhe i Je Yuo, i datëlindjes 06.11.1990, lindur ne Kine dhe banues ne Dubai dhe Kamboxhia, identifikuar me pasaportën kamboxhiane me nr. N 01449826, për qëllime ekstradimi ne Kine, për faktin se autoritetet gjyqësore kineze bazuar me vendimin penal nr. DG (X) BZ (2022) 00055, dt. 20.05.2022, te Gjykatës Deging, te Provincës Zhejiang/Kine, ndaj shtetasit kinez Liangbin Chen, ka caktuar masën e sigurimit “Arrest ne burg” për kryerjen e veprës penale “Mashtrim kompjuterik”, parashikuar nga neni 266 i Kodit Penal Kinez, si dhe parashikohet ne nenin 143/b te Kodit Penal Shqiptar, ndjekur me mase sigurimi fillimisht “Arrest ne burg”, për qellim ekstradimi, zëvendësuar ne “Arrest ne shtëpi”, nga Republika e Shqipërisë në Republikën e Kinës, sipas kërkesës se autoriteteve te drejtësisë Kineze.
Baza ligjore: Nenet 495 e vijues te K. Pr. Penale te Republikës se Shqipërisë, si dhe ligjit nr. 10193, dt. 03.12.2009, i ndryshuar me ligjin 100/2013, dt. 18.03.2013 dhe nr. 97/2021 dt. 07.07.2021 “Për marrëdhëniet juridiksionale me autoritetet e huaja në çështjet penale””, thuhet në shkresën zyrtare.
Të dy shkallët e gjyqësorit kanë pranuar më herët kërkesën e Kinës për ekstradimin e tij, por pritet që vendimi i radhës së Gjykatës së Lartë të ndikohet nga vendimi i 9 qershorit të PE-së. E ndërkohë që pret ekstradimin e tij, aktualisht ai ndodhet në arrest shtëpie, në një banesë në Lundër, pasi u nxor nga qelia për arsye shëndetësore. Shtetasi kinez, Liangbin Chen akuzohet se përmes mashtrimit kompjuterik ka vjedhur shumën prej 140 mln eurosh, e pasi ishte shpallur në kërkim ndërkombëtar, ai u ndalua në Rinas.
Discussion about this post