Sulmi me armë zjarri nga Top Channel, ngjarje në të cilën mbeti i vrarë roja i sigurisë është raportuar edhe nga mediat rajonale. Media serbe ‘N1’ raporton ngjarjen dhe shton se sulmi nuk ka ende një autor. Sipas medias serbe, kërkimet vijojnë ende, por nuk ka asnjë të dyshuar momentalisht.
Artikulli:
Një punonjës i kanalit shqiptar “Top Channel” ka mbetur i vrarë mbrëmjen e djeshme, pasi persona të panjohur tentuan të hyjnë në godinën e këtij televizioni në Tiranë. Pak kohë pas sulmit, që ndodhi një orë pas mesnate, në autostradën aty pranë u gjet një “Range Rover” i djegur, i cili dyshohet se është përdorur nga autorët për të sulmuar zyrat e televizionit.
Në automjetin e djegur është edhe kallashnikovi i përdorur në sulm. Një punëtor 60-vjeçar ka mbetur i vrarë dhe ka ndërruar jetë rrugës për në spital. Nuk dihet ende motivi i sulmit të ndodhur në hyrjen kryesore të “Top Channel”. Gjatë gjithë natës në Tiranë është organizuar gjueti për sulmuesit dhe policia ka ngritur postblloqe në të gjithë qytetin.
Ngjarja ndodhi rreth orës 01:00. Persona të paidentifikuar u afruan pranë Top Channel me një automjet tip ‘Range Rover’ me targa të vjedhura dhe qëlluan me breshëri kallashnikovi kundrejt ambienteve të televizionit. Një nga plumbat kapi rojen e sigurisë, Pal Kola, 60 vjeç, i cili ndërroi jetë në vend. Autorët u larguan nga vendngjarja, ndërsa mjeti bashkë me dy kallashnikovët u gjetën duke u djegur. Shkaqet e ngjarjes nuk dihen ende.
Discussion about this post