Gianluigi Donnarumma vijon të jetë i pakënaqur te skuadra e Paris Saint-Germain, ku prej muajsh tashmë vijon të qëndrojë në stol dhe minutat e aktivizimit i ka shumë të pakta.
‘La Gazzetta dello Sport’ raporton se kjo gjë ka sjellë tension brenda klubit parisien, duke krijuar rivalitet mes gardianit italian dhe Keylor Navas.
Ndërsa para pak kohësh lojtari i kampionëve të ‘Euro 2020’ u shpreh për TNT Sport se i dhemb të qëndrojë në stol.
“Kjo nuk ka asnjë efekt në paraqitjet e mia, por më ‘shqetëson’. Nuk është e lehtë, sepse isha mësuar të filloja gjithmonë titullarë dhe ndonjëherë më dhemb të jem në stol”,-tha Donnarumma.
Rikujtojmë që deri më tani 22-vjecari ka luajtur gjithsej në vetëm 7 ndeshje në të gjitha kampionatet ku konkurron PSG-ja./K.T/Gijotina.com
Discussion about this post