Gjermania dërgon tanket ‘Leopard’ në Ukrainë

Ngarkesa e parë e tankeve ‘Leopard 2’ nga Gjermania është dërguar në Ukrainë, ka thënë ministria gjermane e mbrojtjes.

Tetëmbëdhjetë tanke luftarake u dorëzuan pasi ekuipazhet ukrainase u trajnuan për t’i përdorur ato.

Ministri i Mbrojtjes, Boris Pistorius tha se ishte i sigurt se tanket mund të luanin një kontribut vendimtar në vijën e parë të luftës.

Sipas raporteve nga Ukraina, atje kanë mbërritur edhe tanket Challenger 2 nga Britania e Madhe.

Ukraina ka kërkuar prej muajsh për më shumë automjete dhe sisteme armësh për të ndihmuar në luftimin e pushtimit rus.

Qeveria ukrainase nuk ka komentuar ende për mbërritjen e ‘Leopard 2’, por ata kanë konfirmuar mbërritjen e tankeve të parë ‘Challenger 2’ të prodhuara në Mbretërinë e Bashkuar.

Ministri gjerman i Mbrojtjes, Boris Pistorius, ka theksuar se tanket kanë hyrë në duart e miqve tanë ukrainas siç u premtua dhe në kohë.

Ushtria gjermane ka trajnuar ekuipazhet e tankeve ukrainase për të përdorur variantin e avancuar A6 të Leopard 2 gjatë disa javëve të fundit.