Në mbledhjen e sotme të Komisionit të Veprimtarisë Prodhuese është miratuar në tërësi për buxhetin 2022. Nga diskutimet e bëra gjatë seancës është vendosur që të bëhen dy ndryshime në projekt. Së pari u vendos që të pranohet propozimi i ministrisë së Infrastrukturës Belinda Balluku, e cila kërkoi t’i jepen 100 milionë lekë ministrisë së saj, pasi buxheti fillestar i përcaktuar nuk ishte i mjaftueshëm.
Pa zgjatur më tej diskutimet, Ministria e Ekonomisë ka pranuar që të bëhet ky ndryshim dhe t’i japë më shumë lekë Ballukut. Ndërsa ndryshimin tjetër lidhet me kërkesën e bashkive, të cilat gjithashtu nuk ishin të kënaqura me fondin dhe kërkonin më shumë para. Kështu, komisioni vendosi që, t’i hiqen 500 milionë lekë Ministrisë së Turizmit dhe t’ia kalonin Fondit Rezervë që të jenë në dispozicion të bashkive.
Po në këtë mbledhje, Komisioni i Veprimtarisë Prodhuese ka shqyrtuar dhe ka miratuar nen për nen paketën fiskalet vitit 2022, vetëm me votat e mazorancës. Në këtë paketë të re fiskale përfshihen, heqja e rimbursimit të TVSH për fermerët nga 6% që është në 0%, vendosja e taksës 10% për inputet dhe rritja e pragut të investimit që përjashtohet nga pagimi i TVSH-së nga 50 milionë lekë që është në 500 milionë lekë, është miratuar me votat e mazhorncës pa ndryshime. E.H/gijotina.com/
Discussion about this post