Se vitet janë thjesht numra, e dëshmon rasti më i fundit i një peshëngritësi të moshuar nga Britania. Ky peshëngritës 86-vjeç ka thyer rekordin botëror në garën e tij më të fundit.
Britaniku Winslow arriti të ngrit 75 kilogramë, në tentimin e parë në garën e peshëngritjes të organizuar nga federata britanike BDFPA më 18 mars.
Kjo peshëngritje ishte një rekord i ri botëror por edhe në Britani, duke marrë parasysh kilogramët që ishin në shufër dhe moshën e Winslow.
Winslow nga Derbyshire i Britanisë arriti që në tentimin e dytë të ngrit 77.5 kilogramë si dhe në të tretin 78 kilogramë.
Nga BDFPA është konfirmuar se Winslow mban titullin e rekordmenit botëror në kategorinë e peshave 60 kilogramë, dhe garoi në mesin e shumë burrave të moshës nga 85 deri në 89-vjeçar.
Discussion about this post