Ministrja për Rininë dhe Fëmijët, Bora Muzhaqi pyetur nga gazetarët lidhur me ngjarjen makabre të vrasjes së 8-vjeçarit, nga Klodian Çalamani ka refuzuar të japë shpjegime dhe të justifikoj postin e saj. Në lidhje me këtë sjellje të papërgjegjshme të Muzhaqit ka reaguar Partia Demokratike, ku kërkon shkarkimin e saj të menjëhershëm.
Përmes një postimi në Facebook, Ina Zhupa shprehet se, Rama dhe Bora Muzhani kanë shpërfilluar me buzqeshje vrasjen e Matesos dhe kamë injoruar me vetëdije protestën e familjarëve të tij. Zhupa deklaron se ajo është e revoltuar me sjelljen e ministres dhe Ramës, jo vetëm si opozitare por edhe si nënë dhe qytetare. “Dy realitete krejt të ndryshme kishte sot në Tiranë. Familjarët e Mateos, të dërrmuar nga dhimbja, që kërkojnë ndihmën e qytetarëve për të firmosur kthimin e dënimit me vdekje dhe Ministrja e Edi Ramës për fëmijët, që shpërfill me buzëqeshje dhimbjen e pamasë për vrasjen makabre të vogëlushit. Bora Muzhaqi ikën pa thënë asnjë fjalë për të, pa treguar aspak dhimbsuri, përulësi dhe përgjegjshmëri për detyrën e saj. Kur të shihni videon, jam e sigurt se do të revoltoheni njësoj si unë. Dhe nuk e them këtë, sepse unë jam deputete e opozitës, që shoh më të këqijat tek qeveria. Jam e revoltuar si nënë dhe si qytetare, kur shoh Ministren për Fëmijët të na përpalsë në fytyrë VKM-në e detyrave të saj”, shkruan ajo.
Ndër të tjera, mes akuzash, Zhupa i këkron Bora Muzhaqit që të japë menjëherë dorëheqjen, pasi tregoi paaftësinë e saj si ministre. “Zonja Ministre! Ju sot duhet të jepni dorëheqjen, sepse nuk jeni e denjë të bëni politika për fëmijët tanë! Jeta dhe mirëqenia e një fëmije është çështje shumë më e madhe sesa një VKM. Por ju këtë zonja Ministre nuk mund ta kuptoni, sepse jeni në atë detyrë jo për meritën tuaj, por sepse Edi Ramës i duhet buzëqeshja juaj”, shprehet ajo. Ndërsa ka dërguar edhe një thirrje për kryeministrin që të kthejë sytë nga realiteti i hidhur dhe jo t’i bëjë bisht atij
Discussion about this post