Mbrëmjen e sotme një ngjarje e rëndë tronditi qytetin e Kavajës dhe jo vetëm. Dy shtetasit, Altin Rexha nga Kukësi dhe Edmond Gosa nga Kavaja, si pasojë e një konflikti të mëparshëm janë përplasur njëri me thikë dhe njëri me armë kanë qëlluar njëri-tjetrin dhe për pasojë kanë ndërruar jetën të dy.
Një prej banorëve të zonës thotë se Altin Rexha ishte i ardhur dhe ishte bashkë me djalin e tij të vogël përdore në momentin që u konfliktua me shtetasin Edmond Gosa, raporton ABC.
Gosa ka qenë i pari që e ka goditur me thikë disa herë dhe më pas Rexha ka nxjerrë pistoletën dhe e ka qëlluar.
“Kanë pasur sherr koti, nuk arritën me e mbyll. Ai ishte më djalin përdore, ai malësori se s’ia di emrin se janë të ardhëm. I pamë duke biseduar, dëgjuam krismën, ai u shtri atje, ky tjetri këtu. Mirë që nuk më kapi ndonjë plumb. Kavajsi e mbyti atë me thikë, ai e mbyti atë me pistoletë”, tha banori.
Discussion about this post