Dy shqiptarë rrezikojnë të dënohen me 18 muaj burg, pasi akuzohen për vjedhje në një kafene në Sint-Laureins në Belgjikë. Mediat belge shkruajnë se ngjarja ka ndodhur korrikun e vitit të kaluar dhe se shqiptarëve u dështoi plani i tyre, pasi janë kapur mat nga kamerat e sigurisë dhe gjurmët që lanë pas.
Njëri prej tyre pretendon se nuk ka lidhje me ngjarjen, mirëpo provat flasin të kundërtën. Në korrik të vitit të kaluar, dy shqiptarët u futën brenda kafenesë ‘De Keyzer’ në Sint-Laureins.
Plani i tyre nuk shkoi siç shpresohej. Të dy nuk mundën të merrnin asnjë lek nga lokali, si dhe janë parë në pamjet e kamerave të sigurisë. Policia ishte në gjendje më pas t’i gjurmonte e t’i arrestonte.
Ata të dy njihen mirë pasi kanë numrin e telefonit të njëri-tjetrit edhe pse në gjykatë mohojnë se njihen.
“Rastësi,” tha i dyshuari i parë. “Një herë e takova në një kafene dhe më pas i dhashë numrin tim, por nuk e njoh dhe prandaj nuk kam asnjë lidhje me të.”
“E çuditshme,” tha gjyqtari.
Discussion about this post