Vjedhin targa e ikin pa paguar naftën, 2 të arrestuar në Tiranë

Policia e Tiranës njofton se ka arrestuar dy persona, që dyshohet se kanë vjedhur targa makine.

Përpos vjedhjes së targave të mjetit, dy të dyshuarit po ashtu kanë ikur me mjet pa paguar naftën.

“Specialistët për Hetimin e Krimeve të Komisariatit të Policisë Nr. 6 arrestuan shtetasit F. T., 32 vjeç, dhe A. H., 40 vjeç, të dy banues në Tiranë, pasi kanë vjedhur targat e një automjeti, si dhe janë larguar pa kryer pagesën pas furnizimit të automjetit, në një pikë karburanti.

Materialet i kaluan Prokurorisë, për veprime të mëtejshme”, tha policia.