“Ujqërit” e Skënderbeut fitojnë duke “shqyer” Apoloninë

Skënderbeu ka mposhtur Apoloninë në Korçë në sfidën e parë të javës së 21-të të Kategorisë së Parë.

Sfida u zhbllokua në minutën e 32’ nga Prençi duke kaluar në avantazh korçarët. Më pas në fillimin e pjesës së dytë Temitope dyfishoi shifrat.

Skënderbeu nuk u ndal me kaq dhe në të 57’ Abukabari shënoi edhe të tretin. Në minutën e 71’ u shënua goli i vetëm për fierakët. Në minutën e fundit të sfidës Liço vulosi sfidën duke shënuar dhe golin e fundit.

Me këtë fitore Skënderbeu shkon në kuotën e 41 pikëve duke ruajtur vendin e parë ndërsa Apolonia renditet në vendin e 7-të me 28 pikë.

SKËNDERBEU 4-1 APOLONIA

32′ Prençi, 47′ Temitope, 57′ Abubakari,  90+3′ Liço/ 71′ Umejego

/PanoramaSport/