Shpërblimi për pensionistët, Dervishi: Qartësisht për fushatë

Gazetari Lutfi Dervishi, në “Intervistë” me Merita Haklajn, në A2 CNN, u shpreh se shpërblimi prej 5 000 lekësh për pensionistët dhe premtimi për pagën mesatare 900 euro është “qartësisht përdorim për fushatë elektorale”.

“Partitë duhet të garojnë në kushte të barabarta, jo njëra të ketë mbrapa administratën. Në një farë mënyre është qartësisht përdorim për fushatë elektorale. Nëse qeveria është e shqetësuar për pensionistët, le t’ia japë këtë shumë 2-3 herë të tjera pas muajit maj. Në prag të zgjedhjeve, jep shpërblim për pensionistët dhe kjo është hipokrizi. Është qartësisht diçka e pandershme”, tha ai.

“Garat bëhen me ide, projekte dhe platforma, jo me 5 mijë lekësha dhe thesë mielli”, shtoi Dervishi.