Ata u martuan në qershor të vitit 2022, por tashmë Sam Asghari dhe Britney Spears besohet se po kalojnë disa probleme martesore tani. Ata u martuan pas më pak se një viti nga fejesa dhe vetëm pas pesë vitesh lidhje tani martesa e tyre mund të jetë në një pikë kritike.
Ka pasur disa raportime për problemet e tyre, por tashmë këngëtarja dhe aktori janë parë pa unazat e martesës. Ishte 41-vjeçarja që u pa për herë të parë pa unazën e saj, pasi nuk e kishte kur paparacët shkrepën fotot e saj duke zbritur nga një makinë të martën.
Ajo ishte rrugës për të hipur në një avion privat, duke u larguar nga Los Angeles për disa ditë në Hawaii. Britney Spears nuk është duke pushuar me bashkëshortin e saj. Përkundrazi, ajo është me menaxherin për një kohë të gjatë Cade Hudson dhe ka postuar video dhe foto të ndryshme në Instagram, duke përfshirë disa me agjentin e saj.
Ndërkohë edhe Sam Asghari është parë pa unazën e martesës. Ai u pa pa të teksa bënte punë në Kaliforni të enjten, disa ditë pas fotove të gruas së tij.Mund të ketë një arsye logjike që dy të famshmit të kenë hequr unazat e martesës me vetëm disa ditë diferencë, por tani për tani ky detaj vetëm sa do të nxisë më tej thashethemet se ata mund të ndahen.
Discussion about this post