Itali, mbi 10 mijë të infektuar nga COVID-19 në 24 orët e fundit, 69 humbje jete

Autoritetet e Shëndetësisë italiane kanë publikuar të dhënat e fundit ku bëjnë me dije se gjatë 24 orëve të fundit janë regjistruar 10.638 të infektuar.

Ndërkohë që 69 viktima nga COVID janë shënuar në 24 orët e fundit në Itali. Në terapi intensive janë shtruar 503 pacientë, ndërsa janë shëruar 5148.

Gjithsej në Itali janë shënuar 133,034 viktima nga COVID që nga shkurti 2020, kurse i infektimeve është 4,893,887. Norma e pozitivitetit është 1.7%.

Të shtruarit që paraqesin simptoma të virusit në pavijonet e zakonshme janë 4088, 28 më shumë se një ditë më parë.