Transporti falas, Godole: Të djathtët nuk bëjnë premtime…

Në rubrikën “Opinion” në News24 pedagogia e UT Jonila Godole komentoi zhvillimet politike në vend, duke u ndalur edhe tek zgjedhjet e 14 majit.

“Në PD duhet të ketë më shumë transparencë për vendimet që merren”, tha ajo.

Pjesë nga biseda në studio:

A do ta mbështesni Roland Bejkon?

Jonila Godole: Patjetër që po. Ai ka një fushatë të vështirë duke pasur parasysh edhe situatën. Nuk duket se do ta ketë të lehtë edhe për shkak të krizës në opozitë, por besoj që Roland Bejko ka kredibilitet të lartë. Me guximin e tij dhe mënyrën se si u qaset gjërave, besoj që do t’ja dalë.

Gjithashtu gjatë bisedës në studio Godole theksoi se kauzën e djathtë e sheh të përfaqësuar në PD, ndërsa bëri thirrje që demokratët të mbështesin partinë e tyre.

“Ka një situatë të vështirë, por kush e mbështet të djathtën nuk mund të votojë për një formacion të majtë. Problemi u krijua pas shtatorit të 2021 dhe do të ishte mirë të mos arrinim në këtë pikë, pra të mos e linin veten të përdoreshin për interesa personale. Por besoj që demokratët e vërtetë nuk do të hedhin votën e tyre në një logo të majtë. Unë i bëj thirrje të gjithë demokratëve të mbështesin partinë e tyre. Tani ka shansin e madh që të reflektojë dhe të bëhet një PD që e presin të gjithë demokratët. Kemi një parti që po lejon mendimin ndryshe, kjo është një kulturë e re që po lind brenda PD. Nuk e kemi këtë në PS, pasi është bunkerizuar dhe rrethuar drejt liderit.

Koalicioni “Bashkë Fitojmë”:

Jonila Godole: Në aspektin politik që jemi ne, ka vend për të gjitha formacionet. PD është aty me botëkuptimin e saj të djathtë. Kauzën e djathtë e shoh të përfaqësuar tek PD. Kemi një formacion ku dy prej liderëve janë përfolur jo për mirë në opinionin publik.

Tërheqja e kandidatëve:

Jonila Godole: Ka qenë jo e lehtë për kandidatët që të merrnin vendimet e tyre për zgjedhjet duke qenë se lidershipi ka marrë vendimi të dobëta dhe nuk po them të gabuara sepse për këtë duhet një analizë dhe një përgjegjësi që do të duhet ta mbajë. Nuk ka pasur kurajë nga lidershipi për një komunikim të vendosur dhe kjo ka rritur pasigurinë në degët e ndryshme./BW/