Begaj dekreton emërimin e Vlora Hysenit në krye të SHISH

Vlora Hyseni ka marrë drejtimin e Shërbimit Informativ të Shtetit.

Sot presidenti Bajram Begaj ka dekretuar të emëruarën e kryeministrit Edi Rama, Vlora Hyseni në krye të SHISH.

Kush është Vlora Hyseni:

Vlora Hyseni ka udhëhequr Agjencinë e Kosovës për Inteligjencë për katër muaj.

Ajo ishte në krye të institucionit më të lartë të sigurisë dhe inteligjencës që nga dhjetori i vitit 2020, kur ishte shkarkuar drejtori Kreshnik Gashi, deri në prill të vitit 2021, kur në detyrën e drejtorit u emërua Petrit Ajeti.

Ajo flet disa gjuhë të huaja. Në shkurt të vitit 2019, Vlora Hyseni ishte emëruar zëvendësdrejtoreshë në Agjencinë e Kosovës për Inteligjencë. Gjithashtu ka qenë drejtoreshë për marrëdhënie me jashtë në AKI.