Anëtari i Kryesisë së PD, Eno Bozdo në një intervistë për “Panorama TV” u shpreh se nga rritja e pagës minimale përfiton vetëm buxheti i shtetit, ku të ardhurat do të shkojnë në formën e sigurimeve shoqërore dhe shëndetësore.
Sipas Bozdos do të jenë bizneset me marzh të ulët fitimi, si fasoneritë, që do ta vuajnë lëvizjen e fundit të qeverisë për rritjen e pagave.
Bozdo u shpreh se kjo është një barrë e rëndë që do ta mbajnë taksapaguesit shqiptarë.
Eno Bozdo: Ka vetëm për përfitues, që është buxheti i shtetit. Do të fusë më shumë para në formën e sigurimeve shoqërore dhe shëndetësore.
Pyetje: A është një barrë e shtuar për biznesin?
Eno Bozdo: Industri të tilla që punojnë me marzh të ulët fitimi, sic është industria fason do të ndodhet në vështirësinë e kësaj lëvizje të kryeministrit. Rritja e pagës minimale mund ti nxjerrë fare nga tregu. Kjo industri që punëson 90 mijë vetë, pra është një kontributor i madh prej shumë vitesh ndodhet në goditjet e padrejta të një kursi këmbimi euro lekë.
Agresiviteti i madh i kryeministrit justifikohet me një gjë. I dalin shumë keq sondazhet për zgjedhjet e ardhshme, edhe për ato të 2025.
Shqipëria sot është vendi që ka rritur më pak pagat minimale në rajon. I ka rritur 82 euro, ndërsa fqinjët tanë i kanë rritur 2-3 herë më shumë se aq.
Kjo është një barrë e rëndë, është populiste, por që këtë barrë kanë për ta mbajtur taksapaguesit. Në një mënyrë ose tjetër kjo do ti mbahet punonjësve./Panorama/
Discussion about this post