Një bandë që merrej me “biznesin” e shpërndarjes së tonelatave të kokainë përmes Belgjikës, po përballet me disa vite burgim si dhe me konfiskimin e qindra miliona eurove. “Biznesi” i katër burrave nga Shqipëria dhe Rumania u shkatërrua pas një kontrolli në Francë.
Në kuadër të një operacioni në një kamion në Coquelles u sekuestruan mbi 261 kg kokainë, të fshehura në 26 struktura druri që dukeshin si trarë. Por duket se kjo sasi ishte vetëm maja e ajsbergut. Gjatë një hetimi të drejtuesit të kamionit, Constantin S. (38), policia gjeti aplikacionin Sky EÇ të instaluar në smartfonin e tij, ku u zbuluan qindra mesazhe me “tregtuesit”.
Sipas hetimeve, ky grup kriminal akuzohet se ka trafikuar rreth një ton e gjysmë kokainë. Ndërkohë, të arrestuar janë shqiptarët Altin D., 42 vjeç dhe Rinor S., 40 vjeç, që ngarkonin drogën, ndërsa David P. organizonte transportet.
Shoferi i kamionit i kishte thënë policisë se kishte pasur frikë për familjen e tij që të hiqte dorë nga kjo veprimtari, pasi kishte dy fëmijë në Rumani.
“Në një moment u kërcënova me armë”, tha shoferi në dëshminë e tij. Ndërkohë, trafiku drejtohej nga kreu i njohur me emrin “The Beast” (Bisha) i cili është dënuar me 7 vite burg dhe me 40 mijë euro gjobë. Nga ana tjetër shoferi Constantin S., është dënuar me 3 vite burg, ndërsa dy shqiptarët me nga 2 vite.
Discussion about this post