Merr flakë makina në Korçë

Një makinë tip Benz është përfshirë nga flakët gjatë mesnatës në Korçë.

Mjeti në pronësi të shtetasit me inicialet I.K ka marrë flakë, në kohën që ka qenë i parkuar.

“Më datë 06.04.2023, rreth orës 01:10, pranë vendit të quajtur “Ura e fajancës”, ka rënë zjarr në automjetin tip “Benz” në pronësi të shtetasit K. C., banues në Korçë, i cili ishte i parkuar.

Grupi hetimor po punon për zbardhjen e rrethanave të ngjarjes dhe përcaktimin e shkaqeve të rënies së zjarrit”, njofton policia.