Një ngjarje e rëndë është shënuar pak më parë në Bulqizë, ku një furgon, i cili transportonte nxënës të një shkolle profesionale është aksidentuar dhe si pasojë kanë mbetur të plagosur 5 nxënës.
Sipas raportimeve bëhet me dije se nxënësit po shkonin për praktikë në një nga minierat e zonës. Nxënësit janë dërguar për kurim për në spital.
Pesë nxënësit janë jashtë rrezikut për jetën.
Furgoni me nxënësit e shkollës profesionale brenda ka qenë duke ngjitur rrugën për në minierë, kur shoferi ka humbur kontrollin dhe mjeti është përmbysur.
“Rreth orës 15:20, në aksin rrugor rural që lidh qytetin e Bulqizës me zonën e antenave, shtetasi Xh. S., duke drejtuar automjetin (furgon), ka humbur kontrollin mbi drejtimin e automjetit dhe automjeti ka dalë nga rruga.
Për pasojë, kanë mbetur të dëmtuar, jashtë rrezikut për jetën, drejtuesi i automjetit, shtetasi Xh. S., si dhe shtetasit E. P., A. C., Xh. P., E. D. dhe B. V. (pasagjerë në këtë furgon).
Në vendngjarje ndodhet grupi hetimor, i cili po punon për zbardhjen e rrethanave të këtij aksidenti”, njofton policia.
Discussion about this post