Policia e Bulqizës ka reaguar pas aksidentit të ndodhur këtë pasdite në qytetin e vogël verilindor. Bëhet me dije se furgoni ka dalë nga rruga duke shkuar për në miniera, ndërsa të plagosur mbetën 5 nxënës. Të gjithë janë jashtë rrezikut për jetën.
“Rreth orës 15:20, në aksin rrugor rural që lidh qytetin e Bulqizës me zonën e antenave, shtetasi Xh. S., duke drejtuar automjetin (furgon), ka humbur kontrollin mbi drejtimin e automjetit dhe automjeti ka dalë nga rruga.
Për pasojë, kanë mbetur të dëmtuar, jashtë rrezikut për jetën, drejtuesi i automjetit, shtetasi Xh. S., si dhe shtetasit E. P., A. C., Xh. P., E. D. dhe B. V. (pasagjerë në këtë furgon).
Në vendngjarje ndodhet grupi hetimor, i cili po punon për zbardhjen e rrethanave të këtij aksidenti”, njofton policia.
Discussion about this post