Pamje të rënda janë publikuar nga një sherr i ndodhur mes nxënëseve të një shkolle në Greqi.
Siç shihet edhe në video, një nxënëse ka hyrë në shkollë dhe ka goditur në fytyrë një 15-vjeçare duke bërë që ajo të bjerë pa ndjenja në tokë. Sipas të njëjtave informacione, sherri ka ndodhur për një djalë.
Sapo kanë kuptuar ngjarjen, mësuesit kanë dalë menjëherë në oborrin e shkollës, kanë njoftuar prindërit e vajzës dhe kanë lajmëruar ambulancën.
Vajza 15-vjeçare është transferuar në Spitalin e Përgjithshëm të Kalkidës për analizat e nevojshme.
Të njëjtat burime thonë se policia nuk ka qenë e informuar për ngjarjen e dhunshme të ndodhur në shkollë.
Discussion about this post