Kreu i PL-së, Ilir Meta e ka konsideruar anormalitet mendor, apo “dalje nga orbita” të Kryeministrit Edi Rama, për deklaratën më të fundit të tij se po mendon ta nxjerrë Shqipërinë fare nga Gjykata e Arbitrazhit Ndërkombëtar, pasi Shqipëria ka humbur edhe gjyqin e fundit radhazi në këtë gjykatë dhe tashmë duhet t’i paguajë gjobën prej 11- milionë eurosh, pronarit të televizionit “Agon Channel.”
I pyetur nga gazetarët sot pas takimit që zhvilloi në PD, Meta nuk shfaqi habi për deklaratën e Ramës:
“Sigurisht që anormaliteti është kthyer në vijën e sjelljes së tij dhe prandaj Shqipëria është këtu ku është, që kryeson listën botërore të azilantëve të paligjshëm që shkojnë drejt Britanisë së Madhe. Shikoni kush kryeson në listën e dhjetëve vendeve: është Shqipëria e para dhe nëntë vende të tjera.
Asnjë vend nga Europa! Janë vetëm vende në gjendje lufte dhe konfliktesh civile dhe kjo vetëm se në Shqipëri qeveris një njeri i papërgjegjshëm që kujton se për të mbrojtur interesin e tij mund ta nxjerrë Shqipërinë edhe nga çdo lloj orbite, ndërkohë që ka dalë vet përfundmisht nga orbita.”, tha Meta.
Discussion about this post