Deinstitucionalizimi i fëmijëve pa kujdes prindëror, që konsiston në mbylljen e shtëpive të fëmijës, ka shkaktuar mjaft polemika në opinionin publik. Ky projekt parashikon që në dhjetor fëmijët e jetimores do detyrohen të kthehen në shtëpitë biologjike ose do të birësohen me procedurë më të shkurtuar se më parë.
Përballë kësaj situate mjaft sensitive, ku flitet për të ardhmen e fëmijëve që nuk kanë kujdes prindëror apo kujdestar, KLSH ka njoftuar se do të nisi një kontroll në Ministrinë e Shëndetësisë dhe Mbrojtjes Sociale si dhe në Drejtorinë e Përgjithshme të Shërbimit Social ku do verifikohen të gjitha hallkat për të kuptuar se di do të kryhet kjo procedurë. KLSH do të verifikoj formën dhe mënyrën e zhvillimit të projektit, ku e ardhmja e fëmijëve jetim është në fokusin kryesor të këtij kontrolli, për të garantuar jetesën e tyre.
Ky plan është nisur që nga shtatori i vitit 2019, ku me VKM është pasqyruar deinstitucionalizimi i fëmijëve, duke bërë që të mos pranohen regjistrimet e fëmijëve në institucion, gjë e cila ka sjell ulje të numrit të tyre në institucion.
Kontrolli është nisur nga pamjet e herë pas hershme të raportuara në media ku kujdestaret e këtyre institucioneve kanë ngritur shqetësimin se fëmijët do kthehen në familje të cilat nuk janë gati, nuk janë trajnuar dhe mbi të gjitha fëmijët mund të rikthehen në kontigjent të dhunuar sërish. Punojnësit shprehen së në institucionet e tyre ndodhen dhe fëmijë që mbartin një traumë nga familja e tyre biologjike dhe sipas tyre, rikthimi në familje nënkupton përkeqësim të këtyre situatave traumatike.
Discussion about this post