Rreth 1000 emigrantë zbarkuan në Itali ditën e Pashkëve

Vetëm gjatë 24 orëve të fundit në Lampeduza janë regjistruar 974 emigrantë të cilët zbarkuan në Itali vetëm ditën e Pashkëve.

Operacionet e shpëtimit filluan të shtunën dhe vazhduan, përmes punës së policisë financiare, kapitenit të portit dhe aseteve të Frontex, gjatë gjithë ditës. Shumë gra dhe fëmijë gjithashtu zbarkuan në Lampeduza.

Grupet e ndryshme raportuan se ata u larguan nga qytetet tuniziane të Zarzis, Chebba, Jebiniana dhe Kerkenna dhe paguanin deri në 4000 dinarë për të arritur në Itali.

Në pikën e grumbullimit, tashmë drejt kolapsit, janë 1847 persona në krahasim me 400 vendet e ofruara.

Grupet e fundit të emigrantëve të shpëtuar, me gjashtë varka, erdhën nga Bregu i Fildishtë, Guinea, Mali, Burkina Faso, Kameruni, Kongo dhe Gambia.