Anëtarët e familjes Alcani që kërcënuan biznesmeni Eral Myftaraj nuk njihnin humbje! Shaqir Alcani, 62 vjeç, rezulton pronar i ‘Alcani Sh.p.k.’, kompani që furnizonte objektet arsimore me lëndë drusore dhe në total ka përfituar 28 tendera.
Vetëm nga Bashkia Tiranë, e drejtuar nga Erion Veliaj, kjo kompani ka marrë 13 tendera dhe siç duhet humbja përballë Myftarajt ka qenë e papranueshme për familjen Alcani.
Në pranga janë vënë: Algert Alcani, 27 vjeç; Edmir Boci, 37 vjeç, Shaqir Alcani, 62 vjeç, ndërsa është shpallur në kërkim, 38-vjeçari me inicialet L.K.. Ata kanë kërkuar që Myftaraj të tërhiqej nga një tender që kishte fituar në Bashkinë Tiranë.
Bëhet fjalë për tenderin 1 milion eurosh për furnizimin me lëndë drusore. Myftaraj nuk është tërhequr dhe ka bërë kallëzim në polici.
Discussion about this post