Në një intervistë për ABC News, Erjon Sinani bashkëshorti i Migena Sinanit e cila mëngjesin e së shtunës u vra ndërsa flinte nga kunati i saj, rrëfen se ditën e tragjedisë nuk ndodhej në shtëpi.
Ai thotë se punon taksist për të siguruar një jetesë më të mirë, për fëmijët e tij. Erjoni deklaron se kur ka ndodhur ngjarja, i kanë thënë ‘të shkojë në banesë se ka ndodhur hataja’
Lidhur me marrëdhënien mes gruas së tij të ndjerë dhe të vëllai, Sinani thotë se nuk kishin konflikte, ndërsa të dy punonin fort, për të siguruar të ardhura për një jetesë më të mirë. Apeli i vetëm që ka, është ndihma për të rritur dy fëmijët e mitur jetimë.
Pjesë nga intervista:
Ju punoni taksist, gjithmonë natën?
Po natën, punoja natën për fëmijët, po mundoheshim me mbledh pak lekë më i siguru jetesë më të mirë, shtëpia është e amortizuar komplet, ka shumë lagështirë.
Mendoni se kushtet e vështira e ka cuar në këtë akt vëllain tuaj?
Nuk di ca të them
A punonte ai?
Po, shumë punonte, për të siguruara lekë për të blerë një shtëpi.
Keni një apel? Për shkak të asaj c’ka ndodhi, një ndihmë për fëmijët tuaj?
Një shtëpi të jetoj normal, që fëmijët mos më sëmuren.
Migena ka pas konflikte?
Jo nuk ka patur probleme. Nuk e di si ndodhi.
Po fëmijët?
Fëmijët ndodhen te njerëzit e nuses. I mbajnë ata. Janë të vegjël s’e kuptojnë këtë gjë. Lodra duan shëtitje. Ata më kanë dhënë mbështetje të plotë. Ata kanë mbetur tani.
Discussion about this post