Familjarët e vogëlushit që u vra në mënyrë mizore nga Klodian Çalamani, kanë vijuar për të dytën ditë rradhazi mbledhjen e firmave për peticionin, ku kërkojnë rikthimin e dënimit me vdekje.
Teksa mblidhnin firmat në qendrën e qytetit të Fierit, prindërit e Mateos kanë parë një poster ku ishte fytyra e vrasësit monstruoz dhe ajo e të djalit të tyre që u vra në mënyrë makabre.
Në gjendje të rënduar emocionale, e ëma e djalit ka puthur foton e të birit dhe më pas ka nisur të gjuaj fytyrën e vrasësit.Babai i Mateos sapo pa këtë skenë mori posterin dhe grisi gjysmën ku ndodhej Klodian Çalamani.
Peticioni deri më tani ka nisur të firmoset në 5 qytete dhe sipas burimeve janë dhënë rreth 5 mijë firma.
Ndërsa të enjten, Gjykata e Fierit caktoi masën e sigurisë arrest me burg për 38- vjeçarin mes tensioneve dhe përplasjeve, pasi familjarët e 8-vjeçarit hynë me forcë në institucion duke kërkuar dënim me varje.
Paralelisht ata nisën një fushatë të mbledhjes së firmave të nevojshme për të kërkuar rikthimin e dënimit me vdekje.
Klodian Çalamani rrëmbeu, vrau dhe më pas varrosi 8-vjeçarin Mateo Vasiu në oborrin e banesës në Greçalli të Fierit, e cila vijon të ruhet nga policia si skenë krimi.
Discussion about this post